2013 沙頭角中英街半日遊
3月初的時候，老公提議去沙頭角中英街行，其他朋友都有興趣，於是我地約定在4月28日去，這段期間，我地共召集到10人參加。
其間老公找資料，發覺因為禁區的限制，一定要跟團先可以去，自己是不能去的。而且辦這個團的旅行社唔多，老公問過一間細的旅行社，對方說如果唔夠人數唔成圑，都可以帶我地入去參觀，行程大概2個鐘。之後我地又找到油x地旅遊有圑，說2人同行，另一位有半價，除開計大概HK$194/人，包一餐及會去一個購物點(床上用品)。到4月中去報名，職員說要15人才成圑，而5月1日出發的成團機會比較大，如果我地要報4月28日，要出發前2日才通知會否成圑。。。因為我地約晒人，如果改5月1日又未必個個都得，所以就無報了。(我都唔想5月1日，黃金周一定好多人!)
於是老公再打返電話去之前問過果間旅行社，旅行社的粱生說我地10人每位收HK$110 (如果人少的話就會再貴d)，淨觀光，唔包食，行程大概2個鐘。(已包導遊費，但不包括香港來回沙頭角之車費)。其實我地覺得咁樣重好，比起油x地包一餐，佢平成HK$80，參觀完我地可以自己搵食應該都唔使HK$80。決定咗join呢間，老公就入錢及提供我地的回鄉証資料。
出發當日，旅行社的梁生約我地在粉嶺集合，本來約8:30am，老公覺得早，改約9:30am (這是細旅行社兼自己一團的好處)。
集合地點在粉嶺帝庭軒巴士總站等，那裡有去沙頭角的大巴，呢程車費是自費的，HK$27/位
約20分鐘到達沙頭角口岸，過了大陸果邊的關口，就沿右手邊一直向前步行約10分鐘到中英街的關口前。
梁生到了那個旅客咨詢中心找了一個導遊是負責帶我地入去中英街的。
梁生同我地講，因為我地是團體旅遊，我地一定要一齊入，一齊走，唔可以有人走先，或有人留低。他亦叫我地唔好購物，因為離開時由無購物的通道走會快好多。
告示牌也說明非深圳市民要跟團先可以入中英街
導遊小姐要我地等一陣，因為旅遊巴士要先車咗d大陸客過中英街關口，先再回頭車我地入去。因為我見車上有好多吉位，我問導遊小姐點解我地唔可以一齊搭，佢話因為陸客多數是去購物，我地是去觀光，落車的地方唔同，所以分要開搭。。。
很短的路程，我地要坐車入，到旅遊巴車我地時，車在關口停低，關員上車查我地回鄉証(之前報名時已交資料，導遊小姐已準備資料給關員點名)，可能這才是主要原因同陸客分開車入吧?
車過了閘口，左面見到一個塔，後來看地圖知是古塔公園，我地miss咗無去到
落車後行了一小段路，第一站是參觀歷史博物館，導遊小姐帶領作導覽
中港兩地便由界石立定分界，位處中英街內的界石有8塊，但8號界石位於橋底，所以睇唔到。。。
知道他是誰嗎? 現任國家主席的父親是也。
四樓的觀景台可鳥瞰中港邊界，那是屬於香港的沙頭角碼頭，浮波算是分界，也是防止走私客的障礙。
一河之隔，便是中港兩地了。
博物館外有一個警世鐘，無忘歷史
第一個界石便在博物館外警世鐘旁
教堂成為了酒堡。。。被活化了。。。
二號界石。。。
二號界石。。。在垃圾堆中。。。旅遊搵錢價值大過歷史價值。。。這樣才得以幸存。
口號
中英街，購物街
又是另一過關通道，十分開放
一看便可清楚知道水貨客的喜好。。。
界石就是沿著這條中英街而立，一點也不起眼。。。
這條龍便是排隊出閘的人，所以梁生叫我地唔好購物，如果唔係，真係要排好耐隊先可以走。。。
因為人太多，攪到我都唔記得影第7塊界石，問返d朋友，第7塊界石就在這裡右面附近
臨離開時梁生都有問我地有無興趣再行及影相，我地都決定走，但後來睇返地圖，其實裡面有古塔公園及回歸廣場可以行下的，miss咗添。。。
我地排無携帶物品的通道離開，本來無乜人，突然一大班陸客殺到，攪到我地都要高度戒備，以免被打尖!
過關後，去返今朝等導遊小姐的地方，因為我地會留低在深圳玩，行程至止，就地解散了。
跟這個團，自由度都算大，沒有很趕的感覺所以都幾滿意。
